baaton baaton mein kiya KHun aaj ek dil-gir ka

bātoñ bātoñ meñ kiyā ḳhuuñ aaj ik dil-gīr kā

vaah kyā kahnā tirī rañgīnī-e-taqrīr kā

be-sabab kab hai taḌapnā āshiq-e-dil-gīr kā

siine se paikāñ nikaltā hai tumhāre tiir kā

nau giraftāroñ kī vahshat kā bhī ho kuchh imtihāñ

aaj sunñā chāhiye naala na.ī zanjīr kā

bā.is-e-hairat huā bīmāri-e-dil kā asar

dekho ab to rañg uḌtā hai mirī tasvīr kā

bas bas ai zālim kahāñ tak imtihān-e-zabt-e-āh

ab to dam ghuTne lagā hai āshiq-e-dil-gīr kā

mar gayā hai aap kā vahshī udāsī chhā.ī hai

dīdanī hai aaj aalam ḳhāna-e-zanjīr kā

dil bhī dhaḌkā aap kā zulfeñ bhī bal khāne lagīñ

aur abhī zindāñ meñ naala hai mirī zanjīr kā

baaton baaton mein kiya KHun aaj ek dil-gir ka

wah kya kahna teri rangini-e-taqrir ka

be-sabab kab hai taDapna aashiq-e-dil-gir ka

sine se paikan nikalta hai tumhaare tir ka

nau giraftaron ki wahshat ka bhi ho kuchh imtihan

aaj sunna chahiye nala nai zanjir ka

bais-e-hairat hua bimari-e-dil ka asar

dekho ab to rang uDta hai meri taswir ka

bas bas ai zalim kahan tak imtihan-e-zabt-e-ah

ab to dam ghuTne laga hai aashiq-e-dil-gir ka

mar gaya hai aap ka wahshi udasi chhai hai

didani hai aaj aalam KHana-e-zanjir ka

dil bhi dhaDka aap ka zulfen bhi bal khane lagin

aur abhi zindan mein nala hai meri zanjir ka