باتوں باتوں میں قسم اپنی کھلانے والے

باتوں باتوں میں قسم اپنی کھلانے والے

موقعہ ملتے ہی مگر تم کو گرانے والے

مجھے یہ لگتا ہے کوئی تو رہے پاس مرے

اپنے ہاتھوں سے پرندوں کو کھلانے والے

اب تو میکش بھی نہیں جاتے ہیں میخانے میں

شہر میں کم نہیں آنکھوں سے پلانے والے

مجھ کو اس شہر کی تہذیب نہیں بھاتی ہے

اب یہاں ملتے نہیں ہاتھ ملانے والے

تجھ کو اندازہ نہیں ہے مری بربادی کا

مجھ کو میخانے کے آداب سکھانے والے

جو اجالے سے بہت دور بہت دور رہے

کیا غضب شے ہے یہ آئینہ دکھانے والے

زندگی تو نے ہمیں چین سے رہنے نہ دیا

ہم کو آتے نہیں انداز زمانے والے