baaton baaton mein qasam apni khilane wale

bātoñ bātoñ meñ qasam apnī khilāne vaale

mauqa milte hī magar tum ko girāne vaale

mujhe ye lagtā hai koī to rahe paas mire

apne hāthoñ se parindoñ ko khilāne vaale

ab to maikash bhī nahīñ jaate haiñ maiḳhāne meñ

shahr meñ kam nahīñ āñkhoñ se pilāne vaale

mujh ko is shahr kī tahzīb nahīñ bhātī hai

ab yahāñ milte nahīñ haath milāne vaale

tujh ko andāza nahīñ hai mirī barbādī kā

mujh ko maiḳhāne ke ādāb sikhāne vaale

jo ujāle se bahut duur bahut duur rahe

kyā ġhazab shai hai ye ā.īna dikhāne vaale

zindagī tū ne hameñ chain se rahne na diyā

ham ko aate nahīñ andāz zamāne vaale

baaton baaton mein qasam apni khilane wale

mauqa milte hi magar tum ko girane wale

mujhe ye lagta hai koi to rahe pas mere

apne hathon se parindon ko khilane wale

ab to maikash bhi nahin jate hain maiKHane mein

shahr mein kam nahin aankhon se pilane wale

mujh ko is shahr ki tahzib nahin bhati hai

ab yahan milte nahin hath milane wale

tujh ko andaza nahin hai meri barbaadi ka

mujh ko maiKHane ke aadab sikhane wale

jo ujale se bahut dur bahut dur rahe

kya ghazab shai hai ye aaina dikhane wale

zindagi tu ne hamein chain se rahne na diya

hum ko aate nahin andaz zamane wale