baz auqat faraghat mein ek aisa lamha aata hai
ba.az auqāt farāġhat meñ ik aisā lamha aatā hai
jis meñ ham aisoñ ko achchhā-ḳhāsā ronā aatā hai
sab us shaḳhs se mil kar bilkul tāza-dam ho jaate haiñ
phir us din tasvīr meñ sab kā chehra achchhā aatā hai
baaġh se phuul churāne vaalī laḌkī ko ye kyā ma.alūm
us ke qadmoñ kī har chaap pe phuul ko khilnā aatā hai
ham ye baat baḌe-būḌhoñ se aksar sunte aa.e haiñ
daa.eñ haath meñ khujlī ho to jeb meñ paisa aatā hai
jab bhī us ko rishte kī tasvīr dikhā.ī jaatī hai
us ke zehn meñ fauran mere jaisā laḌkā aatā hai
ham-sā.e kī ūñchī dīvāroñ se itnā farq paḌā
pahle ghar meñ dhuup aa jaatī thī ab saayā aatā hai
is āvāz ko sunñe vaale kaan mubārak kahlāte haiñ
un āñkhoñ ko dekhne vaalo ḳhvāb meñ dariyā aatā hai
baz auqat faraghat mein ek aisa lamha aata hai
jis mein hum aison ko achchha-KHasa rona aata hai
sab us shaKHs se mil kar bilkul taza-dam ho jate hain
phir us din taswir mein sab ka chehra achchha aata hai
bagh se phul churane wali laDki ko ye kya malum
us ke qadmon ki har chap pe phul ko khilna aata hai
hum ye baat baDe-buDhon se aksar sunte aae hain
daen hath mein khujli ho to jeb mein paisa aata hai
jab bhi us ko rishte ki taswir dikhai jati hai
us ke zehn mein fauran mere jaisa laDka aata hai
ham-sae ki unchi diwaron se itna farq paDa
pahle ghar mein dhup aa jati thi ab saya aata hai
is aawaz ko sunne wale kan mubarak kahlate hain
un aankhon ko dekhne walo KHwab mein dariya aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
