bazar-e-kainat mein ye faisla hua

bāzār-e-kā.ināt meñ ye faisla huā

yārān-e-ḳhush-adā ho tamasḳhur ravā huā

bijlī kaḌak rahī thī ajab ehtimām se

bachcha duā.eñ maañg rahā thā Darā huā

vahshat nahīñ junūn nahīñ phir bhī iztirāb

nau-vāridān-e-ishq huā so to kyā huā

aa.ī thī dasht-e-qais meñ rusvā huī chalī

āvārgī ke saath bhī kitnā burā havā

maiñ shor karne vaale qabīle kā fard thā

par boltā nahīñ thā jabhī to ḳhudā huā

māhaul ḳhush-gavār havā bhī thī tāza-dam

ik phuul dast-e-shāḳh pe naġhma-sarā huā

terī hī guftugū se kiyā paidā ik ḳhayāl

phir sher kahne lag gayā lahja nayā huā

kal raat ma.arka thā ajab darmiyān kā

merī to yaar ḳhair hai duniyā kā kyā huā

bazar-e-kainat mein ye faisla hua

yaran-e-KHush-ada ho tamasKHur rawa hua

bijli kaDak rahi thi ajab ehtimam se

bachcha duaen mang raha tha Dara hua

wahshat nahin junun nahin phir bhi iztirab

nau-waridan-e-ishq hua so to kya hua

aai thi dasht-e-qais mein ruswa hui chali

aawargi ke sath bhi kitna bura hawa

main shor karne wale qabile ka fard tha

par bolta nahin tha jabhi to KHuda hua

mahaul KHush-gawar hawa bhi thi taza-dam

ek phul dast-e-shaKH pe naghma-sara hua

teri hi guftugu se kiya paida ek KHayal

phir sher kahne lag gaya lahja naya hua

kal raat marka tha ajab darmiyan ka

meri to yar KHair hai duniya ka kya hua