bazar mein ek hum hi zarurat ke nahin the

bāzār meñ ik ham hī zarūrat ke nahīñ the

bikte bhī to kaise kisī qīmat ke nahīñ the

ham ek hī mā'būd rakhā karte the jab tak

ham meñ kabhī jhagḌe qad-o-qāmat ke nahīñ the

ilhām se ik ḳhaas ta'alluq thā hamārā

ham log magar 'ahd-e-nubuvvat ke nahīñ the

is baar hī kyoñ Tuut ga.e us se bichhaḌ kar

is baar to rishte bhī mohabbat ke nahīñ the

us ne to ka.ī baar qadam ghar se nikāle

ham meñ hī jarāsīm baġhāvat ke nahīñ the

bazar mein ek hum hi zarurat ke nahin the

bikte bhi to kaise kisi qimat ke nahin the

hum ek hi ma'bud rakha karte the jab tak

hum mein kabhi jhagDe qad-o-qamat ke nahin the

ilham se ek KHas ta'alluq tha hamara

hum log magar 'ahd-e-nubuwwat ke nahin the

is bar hi kyon Tut gae us se bichhaD kar

is bar to rishte bhi mohabbat ke nahin the

us ne to kai bar qadam ghar se nikale

hum mein hi jarasim baghawat ke nahin the