bazgasht chaar-su sadaon ki

bāzgasht chār-sū sadāoñ kī

baat kyā kījiye nazāroñ kī

dil meñ ḳhushbū basī hai sandal kī

raqs kartī huī fazāoñ kī

saat rañgoñ kī qaus hai har sū

phuul dar phuul in qatāroñ kī

qissa-e-hijr kī kahānī meñ

baat hai sirf chāñd tāroñ kī

ham ne oḌhī hai ik siyāh chādar

aap ke zulf kī ghaTāoñ kī

husn kā kyā muvāzana kiije

ḳhud vazāhat ho tum bahāroñ kī

dhuup jaisī tamāzateñ har dam

baat hī aur maañ kī chhāñv kī

ham ne to ḳhud pe inhisār kiyā

koī hājat nahīñ sahāroñ kī

bazgasht chaar-su sadaon ki

baat kya kijiye nazaron ki

dil mein KHushbu basi hai sandal ki

raqs karti hui fazaon ki

sat rangon ki qaus hai har su

phul dar phul in qataron ki

qissa-e-hijr ki kahani mein

baat hai sirf chand taron ki

hum ne oDhi hai ek siyah chadar

aap ke zulf ki ghaTaon ki

husn ka kya muwazana kije

KHud wazahat ho tum bahaaron ki

dhup jaisi tamazaten har dam

baat hi aur man ki chhanw ki

hum ne to KHud pe inhisar kiya

koi hajat nahin sahaaron ki