بازو ہیں تیرے حلقۂ رد بلا مجھے

بازو ہیں تیرے حلقۂ رد بلا مجھے

اے شخص ایک بار گلے سے لگا مجھے

تیرے بغیر جینے کی عادت نہیں ہوئی

لیکن یہ تجربہ بڑا مہنگا پڑا مجھے

میرے بدن سے جس کی مہک جا نہیں رہی

وہ شخص بھی سمجھنے لگا دوسرا مجھے

اس کے بقول اس کو کوئی ہوش ہی نہ تھا

ورنہ وہ مجھ سے مل کے بہت چومتا مجھے

پیہم اذیتیں ہیں یہ سانسیں ترے بغیر

لگنے لگی ہے زندگی اک بد دعا مجھے

تو کہہ رہا ہے صبر کروں اس جدائی پر

سچ مچ اگر جدائی پہ صبر آ گیا مجھے