بچ بچا کر جسم سے بھاگا کوئی
بچ بچا کر جسم سے بھاگا کوئی
گرتی دیواروں کی زد میں تھا کوئی
اس قدر دست رسائی سے گریز
ہم نہ ساحل ہیں نہ تم دریا کوئی
لوٹ آتے دشت تنہائی سے ہم
شہر میں آواز تو دیتا کوئی
سارے دن سگریٹ کے مرغولوں میں بند
رات بھر خوابوں کا قیدی تھا کوئی
میرے دریا تو شناور کو نہ بھول
دیکھ تو تہہ میں تری ڈوبا کوئی
وہ بھی ہے لفظوں کے محبس میں اسیر
ان لکیروں سے نکل آتا کوئی
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
