بچی ہے روشنی جو بھی چراغوں سے نکل جائے

بچی ہے روشنی جو بھی چراغوں سے نکل جائے

جو میرے دل سے نکلا ہے دعاؤں سے نکل جائے

ہم ایسے لوگ جو دشمن کے رونے پر ٹھہر جائیں

وہ ایسا شخص جو اپنوں کی لاشوں سے نکل جائے

پڑھانے کا اگر مطلب ہے ہاتھوں سے نکل جانا

خدایا پھر مری بیٹی بھی ہاتھوں سے نکل جائے

وہی اک شخص تھا میرا یہاں پر جی لگانے کو

اسی کو چاہتے تھے سب کہ گاؤں سے نکل جائے

ادھر تو چھو رہی ہے جسم میرا ٹھنڈے ہاتھوں سے

ادھر وہ چاہتی ہے رات باتوں سے نکل جائے

نمائش باپ کی دولت کی کر کے سوچتا تھا میں

کہ شاید امتحان عشق پیسوں سے نکل جائے