بچپن کے زخم کو کہیں مرہم نہیں ملا

بچپن کے زخم کو کہیں مرہم نہیں ملا

اس پر مری جوانی کو غم کم نہیں ملا

صحرا میں ہر کسی سے نہیں ہوتے معجزے

وہ وادیاں بھی ہیں جنہیں زمزم نہیں ملا

نصرت کا شوق تھا کہ یہ بازو کٹا دئے

لیکن ہمارے ہاتھ کو پرچم نہیں ملا

محرومیوں کا میری بھلا کیا حساب ہو

مجھ کو تو مرنے والے کا ماتم نہیں ملا

تنہائیوں کی ماری ہوئی میں ادھر ادھر

تصویر ہوں جسے کوئی البم نہیں ملا

ہر بار صف سے آگے نکل آئے ہم مگر

ہم کو کسی بھی جنگ میں پرچم نہیں ملا

دنیا کی بھیڑ میں ہوئے رسوا جہاں گئے

جانیؔ نہیں ملا کوئی ہم دم نہیں ملا