bad-dua teri mere haq mein dua ho jaana

bad-du'ā terī mire haq meñ du'ā ho jaanā

hai karāmat tujhe ehsās-e-vafā ho jaanā

hai yaqīnan mirī fariyād-o-fuġhāñ kī tāsīr

‘andalīboñ kā yahāñ sho’la-navā ho jaanā

rakhe jis haal meñ tū shukr-e-ḳhudā kar bande

hai munāsib tujhe rāzī-ba-razā ho jaanā

mere nazdīk nahīñ baḌh ke 'ibādat is se

farz insāñ pe jo lāzim hai adā ho jaanā

husn-e-aḳhlāq se insān kā honā 'aarī

jaise ik phuul se ḳhushbū kā judā ho jaanā

shiddat-e-ġham se huā ham pe ye vāzeh 'jagdīsh'

dard kā had se guzarnā hai davā ho jaanā

bad-du'a teri mere haq mein du'a ho jaana

hai karamat tujhe ehsas-e-wafa ho jaana

hai yaqinan meri fariyaad-o-fughan ki tasir

‘andalibon ka yahan sho’la-nawa ho jaana

rakhe jis haal mein tu shukr-e-KHuda kar bande

hai munasib tujhe raazi-ba-raza ho jaana

mere nazdik nahin baDh ke 'ibaadat is se

farz insan pe jo lazim hai ada ho jaana

husn-e-aKHlaq se insan ka hona 'ari

jaise ek phul se KHushbu ka juda ho jaana

shiddat-e-gham se hua hum pe ye wazeh 'jagdish'

dard ka had se guzarna hai dawa ho jaana