bad-tar hai maut se mera jina tere baghair

bad-tar hai maut se mirā jiinā tire baġhair

duniyā nahīñ hai ab mirī duniyā tire baġhair

kuchh bhī rahā na ziist kā qissa tire baġhair

ḳhāmosh yaañ zabān haiñ goyā tire baġhair

be-raunaqī jumūd ta.attul sukūt-e-marg

aisā hai kā.enāt kā naqsha tire baġhair

yaksūī-e-ḳhayāl kī ab lazzateñ kahāñ

dar dar bhaTak rahī hai tamanna tire baġhair

barbādiyoñ se rabt ajal se hai sāz-bāz

sar-garmiyāñ junūñ kī haiñ kyā kyā tire baġhair

be-kār hai har ek parastish jo tū nahīñ

barbād haiñ kunisht-o-kalīsā tire baġhair

thī dil se hī kashākash-e-nāz-o-niyāz sab

hogā na husn-o-ishq kā charchā tire baġhair

hañsnā tirī nazar ke tabassum ke saath thā

ab zaḳhm zaḳhm hai mirā ronā tire baġhair

lāchār ho ke baiTh ga.iiñ chāra-sāziyāñ

hogā tirā marīz na achchhā tire baġhair

yak-bārgī zamāne kī raftār ruk ga.ī

bhūlā hai vaqt aah guzarnā tire baġhair

naame se tere kyā ho parāyoñ ko vāsta

apnā huā na jab koī apnā tire baġhair

bad-tar hai maut se mera jina tere baghair

duniya nahin hai ab meri duniya tere baghair

kuchh bhi raha na zist ka qissa tere baghair

KHamosh yan zaban hain goya tere baghair

be-raunaqi jumud tattul sukut-e-marg

aisa hai kaenat ka naqsha tere baghair

yaksui-e-KHayal ki ab lazzaten kahan

dar dar bhaTak rahi hai tamanna tere baghair

barbaadiyon se rabt ajal se hai saz-baz

sar-garmiyan junun ki hain kya kya tere baghair

be-kar hai har ek parastish jo tu nahin

barbaad hain kunisht-o-kalisa tere baghair

thi dil se hi kashakash-e-naz-o-niyaz sab

hoga na husn-o-ishq ka charcha tere baghair

hansna teri nazar ke tabassum ke sath tha

ab zaKHm zaKHm hai mera rona tere baghair

lachaar ho ke baiTh gain chaara-saziyan

hoga tera mariz na achchha tere baghair

yak-bargi zamane ki raftar ruk gai

bhula hai waqt aah guzarna tere baghair

name se tere kya ho parayon ko wasta

apna hua na jab koi apna tere baghair