badal badal ke wahi suraten dikhae kahin

badal badal ke vahī sūrateñ dikhā.e kahīñ

ye ahd-e-nau bhī purāne hī dukh na laa.e kahīñ

phir us ke husn kī rangat na ho bahāroñ meñ

phir us kī zulf kī ḳhushbū havā na laa.e kahīñ

nigāh ruk ga.ī kis par ki phir haTī hī nahīñ

qadam ukhaḌ ga.e aise ki jam na paa.e kahīñ

bahut hai rind-e-ḳharābāt āj-kal hushyār

ki mai piye ye kahīñ aur laḌkhaḌā.e kahīñ

ye aarzū bhī ki chillā.ūñ puurī quvvat se

ye ḳhauf bhī ki sadā koī sun na paa.e kahīñ

ajiib khel 'munavvar' ye ham ne dekhā hai

kahīñ hai dhuup faqat aur sirf saa.e kahīñ

badal badal ke wahi suraten dikhae kahin

ye ahd-e-nau bhi purane hi dukh na lae kahin

phir us ke husn ki rangat na ho bahaaron mein

phir us ki zulf ki KHushbu hawa na lae kahin

nigah ruk gai kis par ki phir haTi hi nahin

qadam ukhaD gae aise ki jam na pae kahin

bahut hai rind-e-KHarabaat aaj-kal hushyar

ki mai piye ye kahin aur laDkhaDae kahin

ye aarzu bhi ki chillaun puri quwwat se

ye KHauf bhi ki sada koi sun na pae kahin

ajib khel 'munawwar' ye hum ne dekha hai

kahin hai dhup faqat aur sirf sae kahin