badal diye hain mukammal nisab ab ke se

badal diye haiñ mukammal nisāb ab ke se

paḌhī hai dard kī aisī kitāb ab ke se

kahā hai bād-e-sabā ne ki be-qarār haiñ vo

chalo ki koī to aayā javāb ab ke se

ghuTan ye siine kī ghaTtī nazar nahīñ aatī

juḌe haiñ kaise na jaane hisāb ab ke se

ye kaun pūchhegā ham se kahāñ kise fursat

jo dariyā-dil the hue kyuuñ sarāb ab ke se

bichhaḌ ke tujh se kahāñ niiñd aa.ī ab ke bhī

mile haiñ jāgtī āñkhoñ ke ḳhvāb ab ke se

kisī kī yaad kā muflar zarā nikāl hī lo

ki hone vaalā hai mausam ḳharāb ab ke se

ajiib baat hai dil sun nahīñ rahā merī

kisī kā ho gayā ḳhāna-ḳharāb ab ke se

jo baat hogī barābar kī hogī ab 'aslam'

ki dil bhī ho gayā merā navāb ab ke se

badal diye hain mukammal nisab ab ke se

paDhi hai dard ki aisi kitab ab ke se

kaha hai baad-e-saba ne ki be-qarar hain wo

chalo ki koi to aaya jawab ab ke se

ghuTan ye sine ki ghaTti nazar nahin aati

juDe hain kaise na jaane hisab ab ke se

ye kaun puchhega hum se kahan kise fursat

jo dariya-dil the hue kyun sarab ab ke se

bichhaD ke tujh se kahan nind aai ab ke bhi

mile hain jagti aankhon ke KHwab ab ke se

kisi ki yaad ka muflar zara nikal hi lo

ki hone wala hai mausam KHarab ab ke se

ajib baat hai dil sun nahin raha meri

kisi ka ho gaya KHana-KHarab ab ke se

jo baat hogi barabar ki hogi ab 'aslam'

ki dil bhi ho gaya mera nawab ab ke se