badalne rang sikhlae jahan ko

badalne rañg sikhlā.e jahāñ ko

kahūñ kyā surma ko vasma ko paañ ko

diyā hai dīn-o-dil tāb-o-tavāñ ko

nigah ko zulf ko til ko dahāñ ko

kiyā phīkā mire rashk-e-chaman ne

saman ko yāsman ko arġhavāñ ko

mire ḳhuuñ ke nishāñ haiñ dho chuke sharm

jabīñ ko āstīñ ko āsmāñ ko

ḳhirām-e-mah-vishāñ chakkar meñ laa.e

zamāna ko zamīñ ko āsmāñ ko

tilism san.at bechūñ hai dekho

kafal ko saaq ko mū-e-miyāñ ko

lab-e-noshīñ ne sikhlā.ī halāvat

shakar ko shahd ko qand-e-kalāñ ko

kiyā rū-posh sharm-e-rū-e-but ne

jināñ ko chashma-e-haivāñ ko jaañ ko

kahāñ haiñ ahl-e-fan lā.ūñ kahāñ se

'nazīrī' ko 'zuhūrī' ko 'bayāñ' ko

badalne rang sikhlae jahan ko

kahun kya surma ko wasma ko pan ko

diya hai din-o-dil tab-o-tawan ko

nigah ko zulf ko til ko dahan ko

kiya phika mere rashk-e-chaman ne

saman ko yasman ko arghawan ko

mere KHun ke nishan hain dho chuke sharm

jabin ko aastin ko aasman ko

KHiram-e-mah-wishan chakkar mein lae

zamana ko zamin ko aasman ko

tilism sanat bechun hai dekho

kafal ko saq ko mu-e-miyan ko

lab-e-noshin ne sikhlai halawat

shakar ko shahd ko qand-e-kalan ko

kiya ru-posh sharm-e-ru-e-but ne

jinan ko chashma-e-haiwan ko jaan ko

kahan hain ahl-e-fan laun kahan se

'naziri' ko 'zuhuri' ko 'bayan' ko