badan ka kaam thoDa hai magar mohlat ziyaada hai

badan kā kaam thoḌā hai magar mohlat ziyāda hai

so jo ġhaflat ziyāda thī vahī ġhaflat ziyāda hai

hameñ is ālam-e-hijrāñ meñ bhī ruk ruk ke chalnā hai

unheñ jaane diyā jaa.e jinheñ ujlat ziyāda hai

na jaane kab kisī chilman kā ham nuqsān kar baiTheñ

hameñ chehrā-kushā.ī kī zarā ruḳhsat ziyāda hai

kabhī maiñ ḳhud ziyāda huuñ tan-e-tanhā kī vahdat meñ

kabhī merī zarūrat se mirī vahdat ziyāda hai

tujhe halqa-ba-halqa khīñchte phirte haiñ duniyā meñ

so ai zanjīr-e-pā yuuñ bhī tirī shohrat ziyāda hai

ye dil bāhar dhaḌaktā hai ye aañkh andar ko khultī hai

ham aise marhale meñ haiñ jahāñ zahmat ziyāda hai

maiñ qarnoñ kī tarah bikhrā paḌā huuñ donoñ vaqtoñ meñ

mirī jalvat ziyāda hai mirī ḳhalvat ziyāda hai

so ham fariyādiyoñ kī ek apnī saf alag se ho

hamārā mas.ala ye hai hameñ hairat ziyāda hai

badan ka kaam thoDa hai magar mohlat ziyaada hai

so jo ghaflat ziyaada thi wahi ghaflat ziyaada hai

hamein is aalam-e-hijran mein bhi ruk ruk ke chalna hai

unhen jaane diya jae jinhen ujlat ziyaada hai

na jaane kab kisi chilman ka hum nuqsan kar baiThen

hamein chehra-kushai ki zara ruKHsat ziyaada hai

kabhi main KHud ziyaada hun tan-e-tanha ki wahdat mein

kabhi meri zarurat se meri wahdat ziyaada hai

tujhe halqa-ba-halqa khinchte phirte hain duniya mein

so ai zanjir-e-pa yun bhi teri shohrat ziyaada hai

ye dil bahar dhaDakta hai ye aankh andar ko khulti hai

hum aise marhale mein hain jahan zahmat ziyaada hai

main qarnon ki tarah bikhra paDa hun donon waqton mein

meri jalwat ziyaada hai meri KHalwat ziyaada hai

so hum fariyaadiyon ki ek apni saf alag se ho

hamara masala ye hai hamein hairat ziyaada hai