badan kajla gaya to dil ki tabani se niklunga
badan kajlā gayā to dil kī tābānī se niklūñgā
maiñ sūraj ban ke ik din apnī peshānī se niklūñgā
nazar aa jā.ūñgā maiñ āñsuoñ meñ jab bhī ro.o.ge
mujhe miTTī kiyā tum ne to maiñ paanī se niklūñgā
tum āñkhoñ se mujhe jaañ ke safar kī mat ijāzat do
agar utrā lahū meñ phir na āsānī se niklūñgā
maiñ aisā ḳhūb-sūrat rañg huuñ dīvār kā apnī
agar niklā to ghar vāloñ kī nādānī se niklūñgā
zamīr-e-vaqt meñ paivast huuñ maiñ phāñs kī sūrat
zamāna kyā samajhtā hai ki āsānī se niklūñgā
yahī ik shai hai jo tanhā kabhī hone nahīñ detī
'zafar' mar jā.ūñgā jis din pareshānī se niklūñgā
badan kajla gaya to dil ki tabani se niklunga
main suraj ban ke ek din apni peshani se niklunga
nazar aa jaunga main aansuon mein jab bhi rooge
mujhe miTTi kiya tum ne to main pani se niklunga
tum aankhon se mujhe jaan ke safar ki mat ijazat do
agar utra lahu mein phir na aasani se niklunga
main aisa KHub-surat rang hun diwar ka apni
agar nikla to ghar walon ki nadani se niklunga
zamir-e-waqt mein paiwast hun main phans ki surat
zamana kya samajhta hai ki aasani se niklunga
yahi ek shai hai jo tanha kabhi hone nahin deti
'zafar' mar jaunga jis din pareshani se niklunga
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
