badan kaman nazar tir karne wala hai

badan kamān nazar tiir karne vaalā hai

vo mere ḳhvāb ko tā'bīr karne vaalā hai

sunā hai zo'm hai us ko kamāl-e-husn se vo

tasavvurāt ko zanjīr karne vaalā hai

vo ek shaḳhs maiñ jis se kabhī milā hī nahīñ

mirī jahān meñ tash.hīr karne vaalā hai

sahar kā phir se gumāñ hai milā ke mujh se nazar

mujhe phir aaj vo tasḳhīr karne vaalā hai

manāo jashn karo jā ke dushmanoñ ko ḳhabar

vo mujh ko hāsil-e-taqdīr karne vaalā hai

judā na hoñge jo is baar ham baham hoñge

na.ī kuchh aisī vo tadbīr karne vaalā hai

badan kaman nazar tir karne wala hai

wo mere KHwab ko ta'bir karne wala hai

suna hai zo'm hai us ko kamal-e-husn se wo

tasawwuraat ko zanjir karne wala hai

wo ek shaKHs main jis se kabhi mila hi nahin

meri jahan mein tashhir karne wala hai

sahar ka phir se guman hai mila ke mujh se nazar

mujhe phir aaj wo tasKHir karne wala hai

manao jashn karo ja ke dushmanon ko KHabar

wo mujh ko hasil-e-taqdir karne wala hai

juda na honge jo is bar hum baham honge

nai kuchh aisi wo tadbir karne wala hai