badan ke dasht ko aabaad kyon nahin karte

badan ke dasht ko ābād kyoñ nahīñ karte

havas bhī hai to kuchh ījād kyoñ nahīñ karte

har ik ḳhayāl ko bāñdhā huā hai lafzoñ se

na jaane tum unheñ āzād kyoñ nahīñ karte

jalāte kyoñ nahīñ is qabr par charāġh koī

mirā ḳhayāl mire baad kyoñ nahīñ karte

agar milā hai tumheñ dard to batāo hameñ

karāhte nahīñ fariyād kyoñ nahīñ karte

tamām log azal se haiñ gosh-bar-āvāz

ḳhamosh rahte ho irshād kyoñ nahīñ karte

ye jabr-e-nāravā apnī samajh se hai bāhar

jo yaad aa.e use yaad kyoñ nahīñ karte

burā hī kyā hai mohabbat meñ rāt-din 'ahmad'

sulag ke yaad kī imdād kyoñ nahīñ karte

badan ke dasht ko aabaad kyon nahin karte

hawas bhi hai to kuchh ijad kyon nahin karte

har ek KHayal ko bandha hua hai lafzon se

na jaane tum unhen aazad kyon nahin karte

jalate kyon nahin is qabr par charagh koi

mera KHayal mere baad kyon nahin karte

agar mila hai tumhein dard to batao hamein

karahte nahin fariyaad kyon nahin karte

tamam log azal se hain gosh-bar-awaz

KHamosh rahte ho irshad kyon nahin karte

ye jabr-e-narawa apni samajh se hai bahar

jo yaad aae use yaad kyon nahin karte

bura hi kya hai mohabbat mein raat-din 'ahmad'

sulag ke yaad ki imdad kyon nahin karte