badan ke pas KHushi ki asas ho kar bhi

badan ke paas ḳhushī kī asaas ho kar bhī

rakhā hai ġham se ta.alluq udaas ho kar bhī

zalīl jab se kiyā hai amiir logoñ ne

nahīñ vo māñgtā kuchh bhuuk pyaas ho kar bhī

na kām-kāj na roTī so chal paḌe paidal

qadam ruke hī kahāñ itnī yaas ho kar bhī

huī hai rang-e-mohabbat meñ titliyoñ kī numūd

badan ne dekh liyā bad-havās ho kar bhī

ġhurūr toḌā hai rāvan kā mere angad ne

hilā sake na jo pā ko pachās ho kar bhī

asar meñ saarā zamāna vabā ke hai lekin

girā na hausla ḳhauf-o-hirās ho kar bhī

kisī kī mast-nigāhī ne kar diyā be-ḳhud

lagāyā us ko gale nā-shanās ho kar bhī

yuuñ to guzarte hai achchhe bure hazāroñ ḳhayāl

milegā kyā tumheñ 'anvar' udaas ho kar bhī

badan ke pas KHushi ki asas ho kar bhi

rakha hai gham se talluq udas ho kar bhi

zalil jab se kiya hai amir logon ne

nahin wo mangta kuchh bhuk pyas ho kar bhi

na kaam-kaj na roTi so chal paDe paidal

qadam ruke hi kahan itni yas ho kar bhi

hui hai rang-e-mohabbat mein titliyon ki numud

badan ne dekh liya bad-hawas ho kar bhi

ghurur toDa hai rawan ka mere angad ne

hila sake na jo pa ko pachas ho kar bhi

asar mein sara zamana waba ke hai lekin

gira na hausla KHauf-o-hiras ho kar bhi

kisi ki mast-nigahi ne kar diya be-KHud

lagaya us ko gale na-shanas ho kar bhi

yun to guzarte hai achchhe bure hazaron KHayal

milega kya tumhein 'anwar' udas ho kar bhi