بدن کی قید میں ہے غم مجھے تیری جدائی کا

بدن کی قید میں ہے غم مجھے تیری جدائی کا

مرے آقا مجھے بھی ایک موقع دے رہائی کا

ادھر یہ دکھ الگ کی اب تلک لنکا میں ہیں سیتا

ادھر بے جان ہوتا جا رہا ہے جسم بھائی کا

سیاست ہو کہ دنیا ہو وہ آ جاتی ہے گھٹنوں پر

نکل پڑتا ہے جب کردار کوئی روشنائی کا

ہمارا یار کل شب تیری اک تصویر لے آیا

دکھانے لگ گیا بیمار کو پرچہ دوائی کا

مجھے تو دیکھ کر ایسے کم از کم مسکرا تو مت

برا بھی مان سکتا ہے صنم چوڑا کلائی کا

کبھی گھنٹوں پڑے رہتے تھے ماں کی گود میں اس پر

چلو ماں نام رکھتے ہیں وراٹؔ اس چارپائی کا