badan par sabz mausam chha rahe hain

badan par sabz mausam chhā rahe haiñ

magar armān sab murjhā rahe haiñ

purāne ġham kahāñ hijrat kareñge

dukānoñ par na.e ġham aa rahe haiñ

ġhalatiyāñ agle vaqtoñ se huī haiñ

magar sadiyoñ se ham pachhtā rahe haiñ

yahāñ hai boriyā ab bhī nadārat

bahut din ba.ad vo ghar aa rahe haiñ

miyāñ bairūn-o-bātin ek rakkho

munāfiq bhī hameñ samjhā rahe haiñ

samajhte haiñ abhī vo tifl-e-maktab

khilaunoñ se hameñ bahlā rahe haiñ

ġhalāzat meñ paḌī hai ruuh jin kī

libāsoñ ko bahut chamkā rahe haiñ

bhañvar kā hukm hai dariyā pe jaarī

kināre naav se katrā rahe haiñ

karūñ kis kis kā mātam baarī baarī

ḳhazāne Dūbte hī jā rahe haiñ

badan par sabz mausam chha rahe hain

magar arman sab murjha rahe hain

purane gham kahan hijrat karenge

dukanon par nae gham aa rahe hain

ghalatiyan agle waqton se hui hain

magar sadiyon se hum pachhta rahe hain

yahan hai boriya ab bhi nadarat

bahut din baad wo ghar aa rahe hain

miyan bairun-o-baatin ek rakkho

munafiq bhi hamein samjha rahe hain

samajhte hain abhi wo tifl-e-maktab

khilaunon se hamein bahla rahe hain

ghalazat mein paDi hai ruh jin ki

libason ko bahut chamka rahe hain

bhanwar ka hukm hai dariya pe jari

kinare naw se katra rahe hain

karun kis kis ka matam bari bari

KHazane Dubte hi ja rahe hain