badan se mawara ho kar koi rishta bana lega

badan se māvarā ho kar koī rishta banā legā

use mat dekhiye vo apnā girvīda banā legā

ise to bas mirī āñkhoñ ko tar rakhne kī 'ādat hai

zarā se zaḳhm ko ye dil bahut gahrā banā legā

baḌhā.egā mirī qismat kī galiyoñ meñ vo tārīkī

phir apne aap ko koī sitāra sā banā legā

use banñe bigaḌne kī zarūrat phir nahīñ hogī

koī bhī shaḳhs jo ḳhud ko yahāñ terā banā legā

tire rahm-o-karam par maiñ ne chhoḌā thā mohabbat ko

mujhe kyoñ aisā lagtā thā ki tū rasta banā legā

jahāñ hai jhuuT kī miTTī vahīñ dhoke kā kuuza bhī

na jaane is se ab ye aadmī kyā kyā banā legā

jahāñ tak ho sake tum se use roko mohabbat se

tumhāre shahr meñ vo ik nayā firqa banā legā

magar puurī tarah us kī kahāñ tajsīm mumkin hai

koī āñkheñ banā.egā koī chehra banā legā

badan se mawara ho kar koi rishta bana lega

use mat dekhiye wo apna girwida bana lega

ise to bas meri aankhon ko tar rakhne ki 'adat hai

zara se zaKHm ko ye dil bahut gahra bana lega

baDhaega meri qismat ki galiyon mein wo tariki

phir apne aap ko koi sitara sa bana lega

use banne bigaDne ki zarurat phir nahin hogi

koi bhi shaKHs jo KHud ko yahan tera bana lega

tere rahm-o-karam par main ne chhoDa tha mohabbat ko

mujhe kyon aisa lagta tha ki tu rasta bana lega

jahan hai jhuT ki miTTi wahin dhoke ka kuza bhi

na jaane is se ab ye aadmi kya kya bana lega

jahan tak ho sake tum se use roko mohabbat se

tumhaare shahr mein wo ek naya firqa bana lega

magar puri tarah us ki kahan tajsim mumkin hai

koi aankhen banaega koi chehra bana lega