badan ye jis ke liye sham jaisa saya hai

badan ye jis ke liye shaam jaisā saayā hai

vo shaḳhs aaj bhī mere liye parāyā hai

fazā meñ aaj parindoñ kī chahchahāhaT hai

ajab sā shor daraḳhtoñ ne bhī machāyā hai

guzashta daur kī lailā se muḳhtalif huuñ maiñ

ki maiñ ne ishq kamāyā hai ghar basāyā hai

ye merā ḳhākī badan le rahā hai ukhḌī saañs

so maiñ ne bhejā hai qāsid use bulāyā hai

rahegā vo to mire ḳhvāboñ kī hifāzat meñ

charāġh-e-āḳhirī jo niiñd meñ jalāyā hai

badan ye jis ke liye sham jaisa saya hai

wo shaKHs aaj bhi mere liye paraya hai

faza mein aaj parindon ki chahchahahaT hai

ajab sa shor daraKHton ne bhi machaya hai

guzashta daur ki laila se muKHtalif hun main

ki main ne ishq kamaya hai ghar basaya hai

ye mera KHaki badan le raha hai ukhDi sans

so main ne bheja hai qasid use bulaya hai

rahega wo to mere KHwabon ki hifazat mein

charagh-e-aKHiri jo nind mein jalaya hai