baDe hi naz se laya gaya hun

baḌe hī naaz se laayā gayā huuñ

maiñ kāñdhā de kar uThvāyā gayā huuñ

farishto yuuñ na mujh se pesh aao

sandesa bhej bulvāyā gayā huuñ

ḳhabar jis kī thī vo saare manāzir

qarīb-e-marg dikhlāyā gayā huuñ

gañvā.ī zindagī kī sub.h kaise

ba-vaqt-e-shām batlāyā gayā huuñ

jahāñ se paa.ī hai sab ne fazīlat

usī kūche se maiñ aayā gayā huuñ

mile bhar bhar ke sab ko jaam lekin

maiñ ik qatre ko tarsāyā gayā huuñ

ba-zāhir to girā.ī ik imārat

darūn-e-zāt meñ Dhāyā gayā huuñ

'obaid' is baat kī mujh ko ḳhushī hai

maiñ duniyā se alag paayā gayā huuñ

baDe hi naz se laya gaya hun

main kandha de kar uThwaya gaya hun

farishto yun na mujh se pesh aao

sandesa bhej bulwaya gaya hun

KHabar jis ki thi wo sare manazir

qarib-e-marg dikhlaya gaya hun

ganwai zindagi ki subh kaise

ba-waqt-e-sham batlaya gaya hun

jahan se pai hai sab ne fazilat

usi kuche se main aaya gaya hun

mile bhar bhar ke sab ko jam lekin

main ek qatre ko tarsaya gaya hun

ba-zahir to girai ek imarat

darun-e-zat mein Dhaya gaya hun

'obaid' is baat ki mujh ko KHushi hai

main duniya se alag paya gaya hun