baDe hi shauq se hum sharh-e-arzu karte

baḌe hī shauq se ham sharh-e-ārzū karte

agar vo ḳhatm na mauzū-e-guftugū karte

jo mai-kashī na ba-andāza-e-subū karte

galī galī meñ tamāshā-e-ābrū karte

ye ḳhauf thā ki junūñ par na harf aa jaa.e

ḳhushī se chāk-garebāñ na ham rafū karte

hamāre ḳhuun ke asbāb sau nikal aate

bahāna koī na koī bahāna-jū karte

jo apne ḳhuun se apne diye jalā lete

vo kyā kisī ke charāġhoñ kī aarzū karte

anā pe harf na aatā to koī baat na thī

darāz muft meñ kyoñ dast-e-ārzū karte

tamām dasht ke zarroñ ke hoñT pyāse the

ham apne ḳhuun se kis kis ko surḳh-rū karte

na jaane kitnī tamannā.eñ janm le letīñ

agar vo qat.a kahīñ shāḳh-e-ārzū karte

ḳhabar jo hotī ulajhnā paḌegā ḳhāroñ se

'zuhūr' ham na tamannā-e-rang-o-bū karte

baDe hi shauq se hum sharh-e-arzu karte

agar wo KHatm na mauzu-e-guftugu karte

jo mai-kashi na ba-andaza-e-subu karte

gali gali mein tamasha-e-abru karte

ye KHauf tha ki junun par na harf aa jae

KHushi se chaak-gareban na hum rafu karte

hamare KHun ke asbab sau nikal aate

bahana koi na koi bahana-ju karte

jo apne KHun se apne diye jala lete

wo kya kisi ke charaghon ki aarzu karte

ana pe harf na aata to koi baat na thi

daraaz muft mein kyon dast-e-arzu karte

tamam dasht ke zarron ke honT pyase the

hum apne KHun se kis kis ko surKH-ru karte

na jaane kitni tamannaen janm le letin

agar wo qata kahin shaKH-e-arzu karte

KHabar jo hoti ulajhna paDega KHaron se

'zuhur' hum na tamanna-e-rang-o-bu karte