baDe nazuk se jazbon se mohabbat maine pali thi

baḌe nāzuk se jazboñ se mohabbat maiñ ne paalī thī

phir apne qīmtī lafzoñ kī us meñ jaan Daalī thī

na-jāne kaun se maz.hab se dīvāne kā rishta thā

ki us ne apnī hī tanhā sī ik bastī basā lī thī

guloñ sā chāñd sā tāroñ sā ham bhī shor karte the

ki kis darja mohabbat ham ne sar pe hī uThā lī thī

kabhī sochā hai tum ne bhī maiñ chup kyoñ ho ga.ī āḳhir

ki maiñ ne sabr se apnī zabāñ dil meñ dabā lī thī

kahīñ vo āḳhirī lamha tirī uljhan na ban jaa.e

so tujh se apnī āñkhoñ kī namī maiñ ne chhupā lī thī

baDe nazuk se jazbon se mohabbat main ne pali thi

phir apne qimti lafzon ki us mein jaan Dali thi

na-jaane kaun se mazhab se diwane ka rishta tha

ki us ne apni hi tanha si ek basti basa li thi

gulon sa chand sa taron sa hum bhi shor karte the

ki kis darja mohabbat hum ne sar pe hi uTha li thi

kabhi socha hai tum ne bhi main chup kyon ho gai aaKHir

ki main ne sabr se apni zaban dil mein daba li thi

kahin wo aaKHiri lamha teri uljhan na ban jae

so tujh se apni aankhon ki nami main ne chhupa li thi