baDe sabr-o-tahammul se ba-sad pas-e-adab kaTe

baḌe sabr-o-tahammul se ba-sad pās-e-adab kaaTe

judā.ī ik qayāmat thī magar ye roz-o-shab kaaTe

qayāmat hai ki us ne ek jurm-e-be-gunāhī kā

mere dast-e-talab toḌe mire pā-e-talab kaaTe

dil-e-dard-āshnā miltā to shāyad tum samajh sakte

ki tum se duur rah kar ham ne kaise roz-o-shab kaaTe

asīrān-e-qafas sayyād ke mamnūn ehsāñ haiñ

kabhī minqār sī Daalī kabhī par be-sabab kaaTe

unheñ ehsās hī hotā to phir ham ko gila kyā thā

ki ham ne bār-hā ghabrā ke kyuuñ apne hī lab kaaTe

tamannā hai ki umr-e-'shauq' guzre tere qadmoñ meñ

tirī zulfoñ ke saa.e meñ ye apne roz-o-shab kaaTe

baDe sabr-o-tahammul se ba-sad pas-e-adab kaTe

judai ek qayamat thi magar ye roz-o-shab kaTe

qayamat hai ki us ne ek jurm-e-be-gunahi ka

mere dast-e-talab toDe mere pa-e-talab kaTe

dil-e-dard-ashna milta to shayad tum samajh sakte

ki tum se dur rah kar hum ne kaise roz-o-shab kaTe

asiran-e-qafas sayyaad ke mamnun ehsan hain

kabhi minqar si Dali kabhi par be-sabab kaTe

unhen ehsas hi hota to phir hum ko gila kya tha

ki hum ne bar-ha ghabra ke kyun apne hi lab kaTe

tamanna hai ki umr-e-'shauq' guzre tere qadmon mein

teri zulfon ke sae mein ye apne roz-o-shab kaTe