baDh ai zauq-e-junun ab kis ka Dar hai

baḌh ai zauq-e-junūñ ab kis kā Dar hai

idhar ye sar udhar vo sang-e-dar hai

mire dil ko to vo le hī chuke haiñ

magar īmān par bhī ab nazar hai

likhā hai surma kī tahrīr meñ ye

ki ye ġhārat-gar-e-qalb-o-nazar hai

nigāheñ chār-sū hairān kyoñ haiñ

ḳhudāyā vo mirā dilbar kidhar hai

'anīs'-e-zār par kyā kyā na guzrī

kaho tum ko bhī kuchh is kī ḳhabar hai

baDh ai zauq-e-junun ab kis ka Dar hai

idhar ye sar udhar wo sang-e-dar hai

mere dil ko to wo le hi chuke hain

magar iman par bhi ab nazar hai

likha hai surma ki tahrir mein ye

ki ye ghaarat-gar-e-qalb-o-nazar hai

nigahen chaar-su hairan kyon hain

KHudaya wo mera dilbar kidhar hai

'anis'-e-zar par kya kya na guzri

kaho tum ko bhi kuchh is ki KHabar hai