baDh gai wahshat bahaar-e-fitna-saman dekh kar

baḌh ga.ī vahshat bahār-e-fitnā-sāmāñ dekh kar

hañs rahā huuñ ḳhud-baḳhud chāk-e-garebāñ dekh kar

kaun tum ko roktā hai haañ magar kahtā ye huuñ

dil meñ nashtar do hujūm-e-dāġh-e-armāñ dekh kar

kyā kahūñ chhiTke hue bāloñ ne kyā Dhāyā ġhazab

dil pareshāñ ho gayā zulf-e-pareshāñ dekh kar

rāt-bhar shabnam hī kyā rotī rahī gulzār meñ

ro diye ham bhī guloñ kā chaak dāmāñ dekh kar

do tum itnā ġham ki āsānī se jitnā uTh sake

āzmāo tāqat-e-bīmār-e-hijrāñ dekh kar

baDh gai wahshat bahaar-e-fitna-saman dekh kar

hans raha hun KHud-baKHud chaak-e-gareban dekh kar

kaun tum ko rokta hai han magar kahta ye hun

dil mein nashtar do hujum-e-dagh-e-arman dekh kar

kya kahun chhiTke hue baalon ne kya Dhaya ghazab

dil pareshan ho gaya zulf-e-pareshan dekh kar

raat-bhar shabnam hi kya roti rahi gulzar mein

ro diye hum bhi gulon ka chaak daman dekh kar

do tum itna gham ki aasani se jitna uTh sake

aazmao taqat-e-bimar-e-hijran dekh kar