baDh gaya gar mera israr to phir kya hoga
baḌh gayā gar mirā isrār to phir kyā hogā
kar diyā aap ne inkār to phir kyā hogā
paḌ gayā sard ye bāzār to phir kyā hogā
na rahā maiñ bhī ḳharīdār to phir kyā hogā
log kahte haiñ ki maiñ tark-e-ta.alluq kar luuñ
na gayā tab bhī ye āzār to phir kyā hogā
maiñ jo bil-farz sar-e-tūr chalā bhī aa.uuñ
na huā aap kā dīdār to phir kyā hogā
ishq kī raah pe tum chal to diye ho 'anjum'
na huā rāsta hamvār to phir kyā hogā
baDh gaya gar mera israr to phir kya hoga
kar diya aap ne inkar to phir kya hoga
paD gaya sard ye bazar to phir kya hoga
na raha main bhi KHaridar to phir kya hoga
log kahte hain ki main tark-e-talluq kar lun
na gaya tab bhi ye aazar to phir kya hoga
main jo bil-farz sar-e-tur chala bhi aaun
na hua aap ka didar to phir kya hoga
ishq ki rah pe tum chal to diye ho 'anjum'
na hua rasta hamwar to phir kya hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
