baDh na jae ghubar-e-dil yani

baḌh na jaa.e ġhubār-e-dil yā'nī

tū kisī tarh se bhī mil yā'nī

apnī āñkhoñ pe apne ḳhvāb kā bojh

apne siine pe apnī sil yā'nī

tū bhī duniyā kī ham-rahī meñ rahā

tū bhī hotā rahā ḳhajil yā'nī

apne apne maqām par raushan

ik sitāra hai ek til yā'nī

kyā kahūñ dil se yaad kar na use

kyā kahūñ phuul se na khil yā'nī

kis ko chhoḌegā nāvak-e-taqdīr

kaun rahtā hai mustaqil yā'nī

baDh na jae ghubar-e-dil ya'ni

tu kisi tarh se bhi mil ya'ni

apni aankhon pe apne KHwab ka bojh

apne sine pe apni sil ya'ni

tu bhi duniya ki ham-rahi mein raha

tu bhi hota raha KHajil ya'ni

apne apne maqam par raushan

ek sitara hai ek til ya'ni

kya kahun dil se yaad kar na use

kya kahun phul se na khil ya'ni

kis ko chhoDega nawak-e-taqdir

kaun rahta hai mustaqil ya'ni