بڑھے ہیں ہاتھ کہاں یہ تو اک نمائش ہے

بڑھے ہیں ہاتھ کہاں یہ تو اک نمائش ہے

میں ڈوب جاؤں مرے دوستوں کی خواہش ہے

کھلی فضا میں کہیں خیمہ ڈال لیں چل کر

گھٹن ہے کمرے کے اندر غموں کی بارش ہے

نہ جانے کیا ہو مآل سفر نہیں معلوم

قدم قدم پہ مرے دل کی آزمائش ہے

غبار راہ تھا میں تو نے حوصلہ بخشا

مجھے گلے سے لگایا تری نوازش ہے

یہ کیسا موسم شاداب ہے کہ اب کے برس

شجر ہرا ہے نہ پتوں میں کوئی جنبش ہے

کھلے نہ پھول کوئی میرے دل کے آنگن میں

ہے چال دھوپ کی پیکرؔ ہوا کی سازش ہے