baDhe nafrat baDhe ranjish ki qatl-e-am ho jae

baḌhe nafrat baḌhe ranjish ki qatl-e-ām ho jaa.e

siyāsat chāhtī hai bas ki us kā kaam ho jaa.e

hamāre naam kī bolī lagā.ī jis ne ab yaaro

kahīñ aisā na ho vo shaḳhs hī nīlām ho jaa.e

bahut kiiñ koshisheñ jis ne mujhe badnām kar ne kī

vo hī ab chāhtā hai ki mirā ikrām ho jaa.e

vo bhī apnā samajh ke rāz-e-dil sab ko batātā hai

kahīñ aisā na ho merī tarah badnām ho jaa.e

koī raazī nahīñ hai qīmat-e-shohrat chukāne ko

har ik ye chāhtā hai bas jahāñ meñ naam ho jaa.e

use bhī bolnā aatā nahīñ sach ke sivā kuchh bhī

bahut mumkin hai vo kuchh roz meñ gumnām ho jaa.e

baDhe nafrat baDhe ranjish ki qatl-e-am ho jae

siyasat chahti hai bas ki us ka kaam ho jae

hamare nam ki boli lagai jis ne ab yaro

kahin aisa na ho wo shaKHs hi nilam ho jae

bahut kin koshishen jis ne mujhe badnam kar ne ki

wo hi ab chahta hai ki mera ikram ho jae

wo bhi apna samajh ke raaz-e-dil sab ko batata hai

kahin aisa na ho meri tarah badnam ho jae

koi raazi nahin hai qimat-e-shohrat chukane ko

har ek ye chahta hai bas jahan mein nam ho jae

use bhi bolna aata nahin sach ke siwa kuchh bhi

bahut mumkin hai wo kuchh roz mein gumnam ho jae