baDhe zara jo ye mauj-e-wahshat to hum bhi koi kamal kar len

baḌhe zarā jo ye mauj-e-vahshat to ham bhī koī kamāl kar leñ

kisī ko koī javāb de deñ kisī se koī savāl kar leñ

us ek sone se ghar ke ai dil rakhā hī kyā hai ab us galī meñ

ki jaa.eñ karne ko zaḳhm taaza aur apnī āñkhoñ ko laal kar leñ

milā jo ban kar vo ajnabī sā kahā hai dil ne ye aah bhar kar

bhulā deñ saarī guzishta bāteñ ga.e dinoñ kā malāl kar leñ

yahī hai āñkhoñ kā bas taqāzā sajeñ darīche phir us galī ke

tamāshā hone ko jaa.eñ phir ham phir apnā vaisā hī haal kar leñ

havā-e-hijrāñ ruke to kar leñ mudāvā apnī udāsiyoñ kā

gale lagā leñ phir us ko 'ḳhāvar' phir ek rishta bahāl kar leñ

baDhe zara jo ye mauj-e-wahshat to hum bhi koi kamal kar len

kisi ko koi jawab de den kisi se koi sawal kar len

us ek sone se ghar ke ai dil rakha hi kya hai ab us gali mein

ki jaen karne ko zaKHm taza aur apni aankhon ko lal kar len

mila jo ban kar wo ajnabi sa kaha hai dil ne ye aah bhar kar

bhula den sari guzishta baaten gae dinon ka malal kar len

yahi hai aankhon ka bas taqaza sajen dariche phir us gali ke

tamasha hone ko jaen phir hum phir apna waisa hi haal kar len

hawa-e-hijran ruke to kar len mudawa apni udasiyon ka

gale laga len phir us ko 'KHawar' phir ek rishta bahaal kar len