baDhti jati hai KHayalon ki thakan aaKHir-e-shab
baDhti jati hai KHayalon ki thakan aaKHir-e-shab
Meer Naqi Ali Khan Saqib
MORE BYMeer Naqi Ali Khan Saqib
baḌhtī jaatī hai ḳhayāloñ kī thakan āḳhir-e-shab
TūTne lagte haiñ yādoñ ke badan āḳhir-e-shab
saarī duniyā hai siyāhī ke samundar kī tarah
chhīn lī vaqt ne ek ek kiran āḳhir-e-shab
raushnī ban ke dabe paañv chalā aatā hai
un darīchoñ se tirā sāñvalā-pan āḳhir-e-shab
thak ke baiThī hai kahīñ duur musāfir kī tarah
mere ḳhvāboñ se mirī sub.h-e-chaman āḳhir-e-shab
har bun-e-mū se chhalakne lagī yādoñ kī sharāb
aur gulnār huā terā badan āḳhir-e-shab
ek ik ḳhvāb yahīñ dafn huā hai 'sāqib'
dekhnā sog meñ hai arz-e-dakan āḳhir-e-shab
baDhti jati hai KHayalon ki thakan aaKHir-e-shab
TuTne lagte hain yaadon ke badan aaKHir-e-shab
sari duniya hai siyahi ke samundar ki tarah
chhin li waqt ne ek ek kiran aaKHir-e-shab
raushni ban ke dabe panw chala aata hai
un darichon se tera sanwala-pan aaKHir-e-shab
thak ke baiThi hai kahin dur musafir ki tarah
mere KHwabon se meri subh-e-chaman aaKHir-e-shab
har bun-e-mu se chhalakne lagi yaadon ki sharab
aur gulnar hua tera badan aaKHir-e-shab
ek ek KHwab yahin dafn hua hai 'saqib'
dekhna sog mein hai arz-e-dakan aaKHir-e-shab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
