بڑی مشکل ہیں راہیں سن محبت کی زمانہ میں

بڑی مشکل ہیں راہیں سن محبت کی زمانہ میں

کہ پل پل مرنا پڑتا ہے اسے دل سے نبھانے میں

محبت سے ملے زخموں کو میں گوہر سمجھتا ہوں

اضافہ ہی اضافہ ہے مرے دل کے خزانے میں

ضرورت یہ نہیں ہے تم جسے چاہو تمہیں چاہے

کوئی تم شرط مت رکھنا محبت آزمانے میں

کوئی شدت سے چاہے تو کبھی مغرور مت ہونا

دکھاوے کی محبت کا چلن ہے اس زمانے میں

ضرورت کی محبت میں کوئی شدت نہیں ہوتی

چھلاوا ہی چھلاوا ہے اسے اپنا بنانے میں

محبت گر نہیں مجھ سے تو خوابوں میں بھی مت آؤ

مزا آتا ہے کیا تم کو مرا دل یوں جلانے میں

کبھی مجنوں سے پوچھو تم کبھی ارشادؔ سے پوچھو

بڑا ہی لطف آتا ہے جگر پر تیر کھانے میں