بڑی مشکل سے اب شاداب ڈالی ہو گئی ہوگی

بڑی مشکل سے اب شاداب ڈالی ہو گئی ہوگی

خزاں کے سامنے لیکن سوالی ہو گئی ہوگی

ہمارے خانۂ دل میں وہ جگنو بن کے آئے گا

مگر تب کچھ زیادہ رات کالی ہو گئی ہوگی

اسے اقوال دے کر پر بھلا کیسے یقیں آتا

کہ میرے باغ کی ہر شاخ خالی ہو گئی ہوگی

فضائے میکدہ بدلے گی میری باری آتے ہی

سبو ٹوٹیں گے اور بوتل بھی خالی ہو گئی ہوگی

لب گویا پہ قدغن سے وہ کیونکر یہ سمجھتا ہے

کہ میرے حق میں شیریں اس کی گالی ہو گئی ہوگی