baDi mushkil se ki thi yar himmat tujhko khone ki

baḌī mushkil se kī thī yaar himmat tujh ko khone kī

batā kyā shart hai terī zarā nazdīk hone kī

chale aate haiñ tere gaañv jab ye dil taḌaptā hai

zarūrat hī nahīñ paḌtī hai mujh ko rone-dhone kī

ḳhushī se sar jhukā letā huuñ jab ye yaad aatā hai

mirī maañ ne nasīhat kī thī mujh ko miTTī hone kī

koī bechainī lāhaq hai ki āñkheñ band bhī kar luuñ

davā.ī lenī paḌtī hai mujhe kuchh der sone kī

tumhāre baad is dil meñ nahīñ aayā koī bhī shaḳhs

nahīñ himmat bachī 'kāmil' aziyyat aur Dhone kī

baDi mushkil se ki thi yar himmat tujh ko khone ki

bata kya shart hai teri zara nazdik hone ki

chale aate hain tere ganw jab ye dil taDapta hai

zarurat hi nahin paDti hai mujh ko rone-dhone ki

KHushi se sar jhuka leta hun jab ye yaad aata hai

meri man ne nasihat ki thi mujh ko miTTi hone ki

koi bechaini lahaq hai ki aankhen band bhi kar lun

dawai leni paDti hai mujhe kuchh der sone ki

tumhaare baad is dil mein nahin aaya koi bhi shaKHs

nahin himmat bachi 'kaamil' aziyyat aur Dhone ki