baDi tamanna hai jaun su-e-sitam kisi din

baḌī tamannā hai jā.ūñ sū-e-sitam kisī din

mizāj pūchhe to koī ahl-e-karam kisī din

vo bhīgā chehra sabhoñ se haT kar savāl pūchhe

hamārī āñkhoñ kī aag hogī na kam kisī din

hamāre maslak kā aadmī kyā kahegā ham ko

jo Dhal ga.e maslahat ke sāñche meñ ham kisī din

hamāre mābain bad-gumānī kī iiñT kaisī

mile jo mauqa to pūchheñ tujh se sanam kisī din

jo ā.īne meñ tumhāre jaage vo aks rakh lo

ye bhiiḌ parchhā.iyoñ kī hogī na kam kisī din

tumheñ bhī ham zindagī kī koī salāh deñge

samajh ga.e dhūp-chhāñv apnī jo ham kisī din

hamāre hisse kī raushnī tum jagā.e rakhnā

ki tīrgī ke safar se lauTeñge ham kisī din

baDi tamanna hai jaun su-e-sitam kisi din

mizaj puchhe to koi ahl-e-karam kisi din

wo bhiga chehra sabhon se haT kar sawal puchhe

hamari aankhon ki aag hogi na kam kisi din

hamare maslak ka aadmi kya kahega hum ko

jo Dhal gae maslahat ke sanche mein hum kisi din

hamare mabain bad-gumani ki inT kaisi

mile jo mauqa to puchhen tujh se sanam kisi din

jo aaine mein tumhaare jage wo aks rakh lo

ye bhiD parchhaiyon ki hogi na kam kisi din

tumhein bhi hum zindagi ki koi salah denge

samajh gae dhup-chhanw apni jo hum kisi din

hamare hisse ki raushni tum jagae rakhna

ki tirgi ke safar se lauTenge hum kisi din