badla mizaj-e-husn to wo ru-ba-ru nahin

badlā mizāj-e-husn to vo rū-ba-rū nahīñ

vo ishva-o-adā nahīñ vo guftugū nahīñ

dil se tujhe nikāl ke kuchh mutma.in to huuñ

phir bhī kahūñ ye kaise tirī justujū nahīñ

ḳhushbū na jin kī phaile fazāoñ meñ chār-sū

gulshan meñ aise phūloñ kī kuchh aabrū nahīñ

jab se nizām-e-mai-kada badlā hai dosto

vo mai nahīñ vo jaam nahīñ vo subū nahīñ

charche vo dostoñ ne diye haiñ ki al-amāñ

ab rāh-o-rasm kī bhī mujhe aarzū nahīñ

'qaisar' har ik taraf hai girānī kā tazkira

lekin zarā batā.iye sastā lahū nahīñ

badla mizaj-e-husn to wo ru-ba-ru nahin

wo ishwa-o-ada nahin wo guftugu nahin

dil se tujhe nikal ke kuchh mutmain to hun

phir bhi kahun ye kaise teri justuju nahin

KHushbu na jin ki phaile fazaon mein chaar-su

gulshan mein aise phulon ki kuchh aabru nahin

jab se nizam-e-mai-kada badla hai dosto

wo mai nahin wo jam nahin wo subu nahin

charche wo doston ne diye hain ki al-aman

ab rah-o-rasm ki bhi mujhe aarzu nahin

'qaisar' har ek taraf hai girani ka tazkira

lekin zara bataiye sasta lahu nahin