badle jo tum to rasm-e-tamanna badal gai

badle jo tum to rasm-e-tamannā badal ga.ī

mahsūs ye huā ki ye duniyā badal ga.ī

insāniyat gavāh kuchh aise bhī azm haiñ

saaye meñ jin ke qismat-e-fardā badal ga.ī

mere junūn-e-shauq meñ kuchh aa ga.ī kamī

yā tere iltifāt kī duniyā badal ga.ī

ab vaqt-e-ehtiyāt hai bar-jur.at-e-nigāh

rindī kī riit kaisī ḳhudāyā badal ga.ī

badle subū na jaam na ādāb-e-mai-kadā

haañ mai-kashoñ ke shauq kī sahbā badal ga.ī

bikhre hue haiñ jalve har ik samt aaj bhī

lekin vo ārzū-e-tamāshā badal ga.ī

tere karam se merā jahāñ thā iram iram

badlī tirī nigāh to duniyā badal ga.ī

badle jo tum to rasm-e-tamanna badal gai

mahsus ye hua ki ye duniya badal gai

insaniyat gawah kuchh aise bhi azm hain

saye mein jin ke qismat-e-farda badal gai

mere junun-e-shauq mein kuchh aa gai kami

ya tere iltifat ki duniya badal gai

ab waqt-e-ehtiyat hai bar-jurat-e-nigah

rindi ki rit kaisi KHudaya badal gai

badle subu na jam na aadab-e-mai-kada

han mai-kashon ke shauq ki sahba badal gai

bikhre hue hain jalwe har ek samt aaj bhi

lekin wo aarzu-e-tamasha badal gai

tere karam se mera jahan tha iram iram

badli teri nigah to duniya badal gai