badli badli si gulistan ki hawa aaj bhi hai

badlī badlī sī gulistāñ kī havā aaj bhī hai

dast-e-sarsar meñ gul-e-tar kī qabā aaj bhī hai

aaj bhī ḳhūn-e-shahīdāñ se hai taz.īn-e-jamāl

dast-e-qātil ko tamannā-e-hinā aaj bhī hai

kārgar ho na sakā zaḳhm ke marham ka ilaaj

mere siine meñ har ik zaḳhm harā aaj bhī hai

āñso.oñ meñ baḌī lazzat thī bahut pahle bhī

ik taraf baiTh ke rone meñ maza aaj bhī hai

haañ vo 'jāved' vahī teġh-e-taġhāful kā qatīl

ek minjumla-e-arbāb-e-vafā aaj bhī hai

badli badli si gulistan ki hawa aaj bhi hai

dast-e-sarsar mein gul-e-tar ki qaba aaj bhi hai

aaj bhi KHun-e-shahidan se hai tazin-e-jamal

dast-e-qatil ko tamanna-e-hina aaj bhi hai

kargar ho na saka zaKHm ke marham ka ilaj

mere sine mein har ek zaKHm hara aaj bhi hai

aansoon mein baDi lazzat thi bahut pahle bhi

ek taraf baiTh ke rone mein maza aaj bhi hai

han wo 'jawed' wahi tegh-e-taghaful ka qatil

ek minjumla-e-arbab-e-wafa aaj bhi hai