بغاوت کرنا چاہوں تو کبھی انکار مت کرنا

بغاوت کرنا چاہوں تو کبھی انکار مت کرنا

شرارت کرنا چاہوں تو کبھی انکار مت کرنا

تمہیں سے بے سبب ہر روز محفل میں تمہاری ہی

شکایت کرنا چاہوں تو کبھی انکار مت کرنا

زمانے میں بہت سے لوگ دکھلاتے ہیں علم و فن

حماقت کرنا چاہوں تو کبھی انکار مت کرنا

تمہارے اڑتے آنچل کی گلستاں میں ہواؤں سے

حفاظت کرنا چاہوں تو کبھی انکار مت کرنا

تمہارا بت بنا کر سامنے بت خانے کے نورنگؔ

عبادت کرنا چاہوں تو کبھی انکار مت کرنا