bagula ban ke nachta hua ye tan guzar gaya
bagūla ban ke nāchtā huā ye tan guzar gayā
havā meñ der tak uḌā ġhubār aur bikhar gayā
hamārī miTTī jaane kaun zarra zarra kar gayā
baġhair shakl ye vajūd chaak par bikhar gayā
ye ruuh hasrat-e-vajūd kī baqā kā naam hai
badan na ho sakā jo ḳhvāb ruuh meñ Thahar gayā
ajab sī kashmakash tamām umr saath saath thī
rakhā jo ruuh kā bharam to jism merā mar gayā
har ek raah us ke vāste thī be-qarār aur
musāfir apnī dhun meñ manziloñ se bhī guzar gayā
uḌā dī raakh jism kī ḳhalā meñ duur duur jab
'alīnā' āsmānī nuur ruuh meñ utar gayā
bagula ban ke nachta hua ye tan guzar gaya
hawa mein der tak uDa ghubar aur bikhar gaya
hamari miTTi jaane kaun zarra zarra kar gaya
baghair shakl ye wajud chaak par bikhar gaya
ye ruh hasrat-e-wajud ki baqa ka nam hai
badan na ho saka jo KHwab ruh mein Thahar gaya
ajab si kashmakash tamam umr sath sath thi
rakha jo ruh ka bharam to jism mera mar gaya
har ek rah us ke waste thi be-qarar aur
musafir apni dhun mein manzilon se bhi guzar gaya
uDa di rakh jism ki KHala mein dur dur jab
'alina' aasmani nur ruh mein utar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
