bahana kar liya phir se haya ka

bahāna kar liyā phir se hayā kā

kareñ kyā aap kī zālim adā kā

'ibādat kar raheñ haiñ vo ki yā'nī

ḳhudā bhī naam lete haiñ ḳhudā kā

hamārī kashtiyāñ haiñ bādbānī

hameñ karnā paḌegā kuchh havā kā

sharīk-e-jurm hai munsif agar to

hameñ Dar hī nahīñ koī sazā kā

unhīñ ne maut phailā.ī thī pahle

jinheñ byopār karnā thā davā kā

balā hai vo balā haañ Thiik hai par

koī to toḌ hogā is balā kā

hamārā hashr bhī sanjīdgī se

bahāna DhūñDhtā hai ibtidā kā

suḳhanvar bevafā ho lāzmī hai

ta'alluq shā'irī se kyā vafā kā

bahana kar liya phir se haya ka

karen kya aap ki zalim ada ka

'ibaadat kar rahen hain wo ki ya'ni

KHuda bhi nam lete hain KHuda ka

hamari kashtiyan hain baadbani

hamein karna paDega kuchh hawa ka

sharik-e-jurm hai munsif agar to

hamein Dar hi nahin koi saza ka

unhin ne maut phailai thi pahle

jinhen byopar karna tha dawa ka

bala hai wo bala han Thik hai par

koi to toD hoga is bala ka

hamara hashr bhi sanjidgi se

bahana DhunDhta hai ibtida ka

suKHanwar bewafa ho lazmi hai

ta'alluq sha'iri se kya wafa ka