bahaar ban ke chaman ki faza mein shamil hai
bahār ban ke chaman kī fazā meñ shāmil hai
ye kis ke jism kī ḳhushbū havā meñ shāmil hai
kabhī milā na koī guftugū huī jis se
vo kaun hai jo mirī har duā meñ shāmil hai
maiñ jitnā bach ke chalūñ utnā khīñchtā hai mujhe
ajab tilism-e-tamannā ḳhatā meñ shāmil hai
sunegā vo to yaqīnan javāb bhī degā
ye kaisā Dar hai jo merī sadā meñ shāmil hai
ilaaj ke liye bīmār ab kahāñ jaa.eñ
ki ek zahr yahāñ har davā meñ shāmil hai
banegī baat bhalā kis tarah vahāñ 'ma.asūm'
anā kā rañg jahāñ iltijā meñ shāmil hai
bahaar ban ke chaman ki faza mein shamil hai
ye kis ke jism ki KHushbu hawa mein shamil hai
kabhi mila na koi guftugu hui jis se
wo kaun hai jo meri har dua mein shamil hai
main jitna bach ke chalun utna khinchta hai mujhe
ajab tilism-e-tamanna KHata mein shamil hai
sunega wo to yaqinan jawab bhi dega
ye kaisa Dar hai jo meri sada mein shamil hai
ilaj ke liye bimar ab kahan jaen
ki ek zahr yahan har dawa mein shamil hai
banegi baat bhala kis tarah wahan 'masum'
ana ka rang jahan iltija mein shamil hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
