bahaar-e-waqt ka har ek chalan shikasta hai

bahār-e-vaqt kā har ik chalan shikasta hai

yahī sabab hai chaman kā badan shikasta hai

tumhārī ruuh kā ākāsh nīlgūñ hai magar

ab āftāb-e-badan kī kiran shikasta hai

yaqīñ kā parda-e-mub.ham paḌā hī rahne do

gumān-o-vaham kī ye anjuman shikasta hai

havā ke pair meñ zanjīr Daal do baḌh kar

ki andalīb kā shahr-e-vatan shikasta hai

fazā-e-dahr ne oḌhī hai aisī kaalī ridā

falak ke jism kā har pairahan shikasta hai

tamāñcha baaġh ke ruḳhsār par lagā kis kā

ki tā.eroñ kā bhī rang-e-suḳhan shikasta hai

paḌī thī laash sar-e-rāh be-his-o-harakat

jo dekhā sāmne jā kar kafan shikasta hai

siyāhī fikr kī kāġhaz pe bah ga.ī 'qudsī'

mirī ġhazal kā har ik bāñkpan shikasta hai

bahaar-e-waqt ka har ek chalan shikasta hai

yahi sabab hai chaman ka badan shikasta hai

tumhaari ruh ka aakash nilgun hai magar

ab aaftab-e-badan ki kiran shikasta hai

yaqin ka parda-e-mubham paDa hi rahne do

guman-o-waham ki ye anjuman shikasta hai

hawa ke pair mein zanjir Dal do baDh kar

ki andalib ka shahr-e-watan shikasta hai

faza-e-dahr ne oDhi hai aisi kali rida

falak ke jism ka har pairahan shikasta hai

tamancha bagh ke ruKHsar par laga kis ka

ki taeron ka bhi rang-e-suKHan shikasta hai

paDi thi lash sar-e-rah be-his-o-harakat

jo dekha samne ja kar kafan shikasta hai

siyahi fikr ki kaghaz pe bah gai 'qudsi'

meri ghazal ka har ek bankpan shikasta hai