بہار تو ہے مگر حاصل بہار نہیں

بہار تو ہے مگر حاصل بہار نہیں

یہ ہی مثل ہے کہ ڈولی تو ہے کہار نہیں

میاں پولس میں ملازم تو بیوی کالج میں

اٹھاتا کوئی بھی اک دوسرے کا بار نہیں

لدا ہوا ہے گرانی کا بوجھ کاندھے پر

ہے کون شخص جو اس دور میں کہار نہیں

اب اس سے بڑھ کے بھی ہوگا جنون آزادی

کہ گھومتے ہیں برہنہ بدن پہ تار نہیں

وہ مولوی ہو کہ پنڈت ہو صنف نازک کا

وہ خود شکار ہے اس کا کوئی شکار نہیں

ہو جس حسیں سے محبت پھرے وہ غیر کے ساتھ

بشر تو کیا ہمیں حیواں پہ اعتبار نہیں

بہت دنوں میں مدرس جو آئے ہیں ناوکؔ

تو لوگ شرم سے کرتے نگاہ چار نہیں